Yogi Adityanath-a'n Manipur CM hmalakpui tiam

Manipur Chief Minister N. Biren Singh leh Uttar Pradesh Chief Minister Yogi Adityanath-te chuan Thawhlehni khan meeting an nei a, tun hnaia Delhi leh a chhehvela Manipur miten beih an tawh chungchang an sawi dun.

Manipur chief minister chuan tun hnaiah an state mi leh saten Delhi-ah beih an tawk fo tih sawiin, nunna chan hial an awm chu pawi a tih thu UP CM a hrilh. Nunna chan bakah hian chin hriat loha bo pakhat a awm thu leh, hmeichhe pakhat chuan a lirthei chuannaah beih a tawh thu a sawi bawk. He thil thleng hi chhui chian a duh thu leh Manipur mi te chungah hleihlenna a thlen tawh lohna tura venhimna pe turin a ngen a ni. UP Chief Minister Yogi Adityanath chuan Manipur CM ngenna hi tihhlawhtlin a tum thu leh, Manipur mite himna tura hma lak a tum thu a hrilh.

CM Adityanath chuan Manipur miten beih an tawh chungchangah hian police control room-a duty mi pathum te chu suspend an nih thu a sawi a, Parvish Chanam-a thah a nih chungchangah mi pali te chu hremna pek an nih tur thu a sawi bawk. Chanam hi September 8 a ṭhiante nena music concert-a an kal chu chin hriat lohin a bo zui a, hliam na tak tuara hmuh a nih hnuah, Dr Bhim Rao Ambedkar Hospital-ah dah luh a ni a, a hliam tuar loin a thi zui a ni.