Assam : Brahmaputra lui chunga rail-cum-road bridge siamna tur pawm

Union road and transport minister Nitin Gadkari chuan Guwahati-a Brahmaputra luia Sarainghat bridge bula rail-cum-road bridge thar siamna tur project chu sorkar laipuiin a pawm tih a sawi.

He project thawhna atan hian Rs vbc 996.75 pawm a ni a, a senso hi ministry of railways leh National Highways Authority of India (NHAI) in an intum sem dawn a, NHAI hian approach/viaduct chu Rs vbc 322 sengin a siam bawk ang.

Gadkari chuan lei dawh thar hi Guwahati kaltlanga Brahmaputra lui hmar leh chhim lam inkalpawhna tur a ni tih a sawi.

Assam chief minister Himanta Biswa Sarma chuan a twitter-ah hmarchhak hmasawnna tur a ngaih pawimawh sak avangin prime minister Narendra Modi chunga a lawm thu a sawi. Brahmapatura-a lei dawh thar chu hmasawnna rahbi pawimawh tak tur a ni, a ti.