AP : October-ah Tawang Festival nei dawn

Arunachal Pradesh-a cultural festival pui ber zinga mi, Tawang Festival vawi riatna chu October 28-31-ah neih a ni dawn.

Festival director Tseten Chombay chuan ni li awh festival neih hun tur hi puangin, hlawhtling taka neih a nih theihna atan kawng hrang hrangin hma an la dawn tih a sawi. Tawang festival hi Covid-19 hri leng avangin kum hnih chhung an buatsaih tawh lo a ni.

Nilainia festival neit tur puala preliminary meeting neihah Chombay chuan, "Tawang Festival hi Arunachal Pradesh bakah hmachhak bial pumah pawh cultural festival pui ber zinga mi a ni," a ti. Kumina festival neih turah hian festival chhima kalte tan village tour buatsaih tel a rawt bawk.

Tawang MLA Tsering Tashi pawhin Tawang Festival chu state sorkarin tourism lama hma a sawnna tur kawng pawimawh tak a ni tih sawiin, he festival hi ṭhalaite tana inphochhuahna hun remchang siamsakna hun atan hman ṭangkai a ṭul thu a sawi.

Tawang deputy commissioner Kesang Ngurup Damo chuan ruahnman lawk anga festival hi hlawhtling taka neih a nih theihna atan stakeholder hrang hrangte thawhpui turin a sawm a, thawhhona ṭha zawk an neih theihna turin review meeting pawh la neih leh a ni dawn tih a sawi bawk.