Rajya Sabha MP atan Tripura CM hlui Deb lalut

Tripura chief minister hlui, BJP hruaitu Biplab Kumar Deb chu Nilaini khan Rajya Sabha member atan rinawmna thu tiamtira lakluh a ni.

India vice president Jagdeep Dhankhar chuan Deb hi rinawmna thu a tiamtir a ni. Tripura aṭanga BJP Rajya Sabha member ni thei pahnihna.

MP atana lakluh a nih hnuah Deb chuan Tripura mipuite tan leh an state hmasawnna turin theihtawp a chhuah dawn tih a sawi a, an state aiawh tura hun ṭha leh remchang an pek avangin prime minister Narendra Modi, BJP national president JP Nadda leh union home minister Amit Shah-te chunga a lawm thu a sawi.

September 22-a Tripura Rajya Sabha member atana thlan tlin, Deb chuan a ngaih pawimawh hmasa ber tur chu kum 2018-a PM kaihhruaina hnuaia an state tana hmasawn hna thawh chak zawka kalpui chhunzawm a ni tih a sawi bawk.