State election-ah VVPAT EVM hman a ni dawn : Meghalaya CEO

Meghalaya Chief Electoral Officer (CEO) Frederick K Kharkongor chuan nakkuma state general assembly election an hmachawn hunah, Election Commission of India (ECI) chuan Voter Verifiable Paper Audit Trail (VVPAT), Electronic Voting Machine (EVM) hmang turin thutlukna a siam tih a sawi.

CEO Frederick chuan VVPAT hi assembly constituency 60-a polling station 3082-ah hman a ni dawn tih sawiin, special summary revision 2018 pawh neih chhoh mek a nih thu a sawi. Tun hnai khan East Khasi Hills District deputy commissioner office-ah special summary revision hi neih a ni a, he hunah hian VVPAT, EVM hman a nih tur thu hi a puang a ni. Inthlan felfai leh dik zawk a awm theihna turin Election Commission of India chuan state dangah pawh hman chhoh zel a tum tih a sawi bawk.

Meghalaya Chief Electoral Officer chuan special summary revision hi November thla chhunga zawhfel hman beisei a nih thu sawiin, nakkum January 10-ah electoral roll hi tlangzarh a ni ang, a ti. Meghalaya hian nakkum kum tir lamah general assembly election hi a hmachhawn dawn a ni.