Human Trafficking : Thla riat hnuah Meghlaya hmeichhe pakhat chhanchhuak
Meghalaya-a hmeichhe pakhat chu mihring hmanga sumdawng ten an hralh aṭanga thla riat zet hnuah, Meghalaya, Assam leh West Bengal police-te chuan an chhanchhuak.
He hmeichhia kum 24 mi hi Jaintia Hills District-a Jowai a cheng niin, kumin Frebruary thla khan Assam khawpui Guwahti-a, GNRC Hospital-ah Nursing intern ti turin a kal a, chin hriat lohin a bo zui ta a ni. A bo hnu hian a chhungte chuan Dispur Police Station-ah thubuai an ziaklut a, a zawn hna hi thawh nghal a ni. Hun rei tak zawn a nih hnuah tunhnai khan state pathum police ṭangkawp te chuan, Assam, Siliguri-a red light area an tihah an chhanchhuak ta a ni.
Guwahati City Police pawhin Indian Penal Code (IPC) section 366 (kidnapping/ abduction and compelling a woman to marry etc.) leh 376 (kidnapping/abduction to cause grievous hurt, slavery, etc.) tlawhchhanin Basistha Police station-ah thubuai an lo ziaklut tawh a ni. Missing Squad leh Anti-Human Trafficking Unit, East Khasi Hills-te chuan report an dawn bawhzuiin, an chhui zui ve bawk. Tun hnai khan Meghalaya, Assam leh West Bengal police-te chuan an chhanchhuak ta a ni. He thilah hian inhnamhnawih man an awm hriat a ni lo.