Meghalaya-a hri kai hmuh thar zingah BSF 13 tel

Meghalaya-ah Ningani khan BSF sipai 13 leh midang parukten hri an kai tih hmuh chhuah thar a ni. Sipai ni lo hri kai hmuh tharte hi Garo Hills leh South Garo Hills-a mi pathum ve ve an ni. 

Health minister AL Hek chuan an state-ah hri kai mek mi 440 an awm thu sawiin, heng zingah hian BSF sipai 281 bakah Armed Forces danga mi 14 an tel tih a sawi. Hri kai mek zinga mi 375 chu East Khasi Hills district mi an ni. 

Meghalaya-ah hian smaple 30,571 test a ni tawh a, hripui leng vanga ramchhunga inkharkhipna kalpui a nih aṭangin an state mi, hmundang aṭanga haw hi mi 23,551 an awm tawh bawk. 

Hri leng darh zel tur venna atan Meghalaya sorkar chuan hri kai tam zualna hmunah test runpui kalpui a tum. Sorkar chuan state chhunga hmun 71 chu hri kai tam zualna, Covid-19 cluster-ah a puang tawh a ni. Heng hmuna cheng mipui nawlpuite chu test neihsak tum a ni a, health department-in hma lain Covid-19 Managament Committee-in a pui dawn a ni. Deputy chief minister Prestone Tynsong chuan antigen kit hmangin test hi neih a ni dawn tih a sawi.