Nagaland Ad-hoc teacher-ten nawrh chhunzawm zel tum

All Nagaland Ad hoc Teachers’ Group (ANATG) 2015 batch-in an hnaa dah ngheh phuta tiam chin awm loa nawrh an huaihawt chu nimin kha a ni ngana a ni tawh a, an thil phut tihhlawhtlin a nih hma chuan nawrh chhunzawm zel an tum tih an sawi.

ANATG thupuangtu Ben­d­ang­­­temsu Ozukum chuan Kohima-a chan­chinthar lakhawmtute a kawmnaah, zirtirtu zinga 99% chuan nawrh hi chhunzawm zel an duh tih a sawi a ni.

Sorkar lam aiawhin, School Education-a commissioner leh secretary-te chuan nawrh huaihawttute nen pawh an inbe tawh a, mahse an inbiakna hian awmzia a neih loh avangin inbiakna neih chhunzawm an duh tawh lo tih Ozukum chuan a sawi.

Nawrh huuihawtnaa telte hi government school 100 vela mi an ni. Ad-hoc teacher-te hian ni khatah period 4-5 te a la ṭhin a, an nawrh huaihawt chuan zirlai naupangte pawh a nghawng dawn tih an sawi. "Mahse tihtheih dang kan nei tawh lo. Zirtirtu kan nih angin naupangte zirtir chu kan tihtur a ni a, hemi rual hian sorkar pawhin zirtirtute chanvo chu a ngaihtuah sak ve tur a ni," tiin nawrh huaihawt tute chuan an sawi a ni.