Sino-India border buaina inbiakna hmanga chinfel theih a ni : Rajnath Singh

Union Home Minister Rajnath Singh chuan Sino-India border buaina chu inbiakna hmnga chinfel theih a nih thu kar kalta Zirtawpni khan a sawi.

Home Minister hian Zirtawpni khan Uttarakhand a tlawh a, Indo Tibetan Border Police (ITBP)-te nen inkawmhona hun an hman ṭumin he thu hi a sawi a ni. Rajnath chuan tun hnaia India-China-Bhutan trijunction, Doklam-a India leh China sipaite inep chungchang sawi chhuakin, buaina chu inbiakna hmanga chinfel a ṭha ber tih a sawi. Tharum hmanga buaina chinfel chu India duh dan leh kalphung a ni lo tih sawiin, boruak muanawm tak hnuaia inbiakna neih chu a thlawp tlat a ni, a ti. Tun hnaia Sikkim Border-a India leh China sipaite inkara buaina chhuak chu inbiakna hmanga chinfel ni tawh mah se, hun rei zawk atana boruak muanawm awm turin ram pahnihten inremna an lo siam tawh te an bawhchhiat loh a ngai a ni, a ti bawk.

Sikkim Border, Doklam-ah hian June thla tir lam aṭang khan ram pahnih sipaite chu an inep a, boruak pawh a ṭang hman hle nia tarlan a ni. China sorkar chuan Doklam-ah hian kawngpui a sial a, hei hi India leh Bhutan chuan an ngaimawh hle. Bhutan ngenna angin India chuan China sipai te hnathawh titawp tur hian sipai a tir ta a ni. Ram pahnih te hi kawng hrang hrangin an invau tawn a, an sipaite hnukkir turin an inngen tawn bawk. Mahse hei hian awmzia a nei thei lawk lo a, ṭum eng emaw zat an innawr buai nghe nghe. Ram hrang hrangte pawhin India-China buaina hi chinfel thuai an duh thu an sawi fo bawk.

September 4 khan China-ah BRICS Summit neih a ni a, Brazil, Russia, Indian, China leh South America (BRICS) ram hruaitiute an fuankhawm. Hemi ṭum hian Prime Minister NArendra Modi leh China President Ji-Ping-te chuan inbiakna an nei a, Dokalm-a buaina th;eng chungchang hi an sawi dun a ni. Mahse an inbiakna ṭhenkhat hi puanzar a ni lo a, engtiangin nge ram pahnihte inkara buaina chingfel tur hian hma lak a nih dawn hriat a ni lo. Hetih rual hian ram pahnih te chuan Doklam aṭang hian an sipaite an hnukkir ve ve tawh a, boruak pawh a muanawm leh ṭan tawh a ni.