Assam senior journalist a thi

Assam senior jour­nalist Radhika Mohan Bhagawati chu nimin khan kum 84 mi niin a boral.

Bhagawati hi Sep­tember 17 khan Pneumo­nia natna avangin Hospital-ah dahluh a ni a, a natna tuar loin a boral ta a ni. Amah hi Banaras Hindu University chhuak niin, Assamese chanchinbu hrang hrang a lo enkawl tawh ṭhin a ni. Kum 1991 khan 'Sahitya Akademy Award' hlan niin, 'Harendra Nath barua Award' pawh a lo dawng tawh bawk. Journalism lama hna thawh ṭhat avangin National Award 'Shiva Prashad Baruah' hlan a ni a, kum 2015 khan 'Shashiprabha Barbarua Sahitya Awrd' hlan a ni leh bawk a ni.

Chief minister Sarba­nanda Sonowal chuan senior journalist Bhagawati-a an chan ta chu pawi a tih thu sawiin, a kalsan tak a chhungte a tawrhpui thu a sawi. Hna tam tak a lo thawh te chuan hriatreng a hlawh tawh dawn tih sawiin, a sulhnu hnutchhiah te chu a chhuanawm a tih thu a sawi bawk.