Meghalaya : UNESCO-in IUGS site 100-ah Mawmluh Cave thlang tel

UNESCO-a International Union of Geological Sciences (IUGS) chuan Sohra, Meghalaya-a Mawmluh Cave chu “First 100 IUGS Geological Sites” zingah a thlang tel.

Chief minister Conrad K Sangma chuan Inrinni khan IUGS Geologoical Heritage site-ah Mawmluh Cave thlan tel a nih thu hi a twitter-ah a tarlang a ni.

Sangma chuan ram 56 aṭangin IUGS site-a thlan tur candidate 181 awmin, heng zinga 100 thlan chhuahte hi Zumaia, Basque Coast UNESCO Global Geopark (Spain)-a IUGS 60th anniversary event-ah puan a ni ang, a ti.

Mawmluh Cave hi Indian sub-continent-a puk thui ber zinga mi niin, meter 4,500 vela thui a ni. Tualchhung mite chuan 'Krem Mawmluh' tiin an sawi a, Cherrapunjee khawthlang lam, km chanve vela hlaah a awm a ni.