Ramri-ah immigration check post pahnih hawng

Sorkar laipui chuan Myanmar leh Bangladesh ramri-ahte dan loa ramri kante venna turin immi­gration check post pahnih a hawng.

Home ministry-in a tarlan dan chuan Mizo­ram Lawngtlai district-a Zorinpui an tihah immi­gration check post hi hawn a ni a, Lunglei District-a Kawrpuichhuah-ah hawn a ni bawk. Heng hmunte hi Myanmar leh Bangla-desh ramri depa awm a nih avangin, dan loa India rama rawn lut tur venna tura din a nih thu tarlan a ni.

Prime Minister Naren­dra Modi chuan September thla khan ni hnih chamin Myanmar a tlawh a, ramri chungchangah Myanmar ram hruaitute inbiakna a neihpui a ni. India - Myan­mar inrina hi km 1,643 zeta thui a ni a, hmar­chhak state Arunachal Pradesh, Nagaland, Manipur leh Mizoram-te chuan an ri a ni. Hetih lai hian India-Bangladesh ramri pawh km 4,096 zet a thui a ni a, Assam, Tripura, Mizoram, Meghalaya leh West Bengal-te'n an ri ve bawk.