Electoral system kalpui dan thlak a ngai : Manipur Speaker

Manipur Legislative Assembly speaker Y Khem­chand chuan inthlanna felfai leh dik zawk a awm theih nan electoral system thlak a ngai tih a sawi.

Speaker Khemchand chuan he thu hi National Institute of Electronics and Information Technology (NIELIT) din champha lawmna a hmanpuinaah sawiin, an state chuan electoral system mumal zawk a mamawh thu a sawi. An state chuan kawng hrang hrangah hmasawnna an chang chho mek zel tih sawiin, sorkar pawhin kawng dik a zawh mek thu a sawi. Hetih rual hian inthlanna felfai leh dik zawk a awm a ṭul thu a sawi a, chu mi tur chuan kalphung thlak danglam ngai eng emaw zat a awm thu a sawi.

An state chu ziak leh chhiar thiam tamna ni mah se ṭhalai lehkha thiam hna nei lo an tam thu a sawi. Heng ṭhalai te hi skill development training pek a, mahni kea ding thei mai an nih thu a sawi bawk. Hetih rual hian mipuite chu corruption-free state an nih theihna tura thawhpuiah a sawm bawk.