Assam sorkarin khualzinte tan KNPTR a hawng

Assam sorkar chuan Pathianni aṭang khan khualzinte tlawh theih turin Kaziranga National Park and Tiger Reserve (KNPTR) a hawng leh ṭan ta.

Fur laia tuilianin Park chhung a chim tel avangin kumin May thla aṭang khan khar a ni a, September 22 khan chief minister Himanta Biswa Sarma leh Isha Foundation founder Sadhguru Jaggi Vasudev-te chuan khualzinte tan Park hi hawn a nih thu an puang. Hemi hnu hian Assam sorkar minister leh bureaucrat-te chuan tlawh hmasain, Setpember 24-26 chhung khan ni thum awh Chintan Shivir an hmang.

KNP hi Assam forest department-a Eastern Assam Wildlife division hnuaia awm niin, tun ṭumah hian a vaia hawn a ni lo. Kohora range leh Western/Bagori range hawn niin, hei pawh hi jeep safari tan bik chauh a ni.