Tripura : CNG man tihsan vangin auto driver-ten nawrh huaihawt

Tripura khawpui, Agaratala-ah Pathianni khan auto-rickshaw driver-te chuan CNG (Compressed Natural Gas) man tihsan a nih avanga lungawi lohna an lantir.

CNG refilling station-ah nawrh huaihawtte chuan, an state-a CNG semchhuaktu, Tripura Natural Gas Corporation Limited (TNGCL) chu a man tisang ngunah an puh. Pungkhawmte chuan TNGCL hian October 1 zanah hriattrina tichhuakin, CNG man chu kg khatah Rs 9 chuangin a tisang a, thla rei vak lo liam taah khan Rs 8 in a lo tipung tawh bawk a ni, an ti.

"Khawpuia auto driver-te hian harsatna hrang hrang kan tawk a ni. Tun ṭuma nawrh huaihawt pawh hi hun rei tak state sorkar laka ka lungawi lohna kan lanchhuahtirna pakhat a ni," tiin, fitness penal-ah an vaiin sum tam tak an seng a, ṭhenkhat phei chuan Rs nuai khat chuangte an chawi tih an sawi. Hei bakah hian insurance premium, maintenance leh thil dang pawh a man tihsan vek a ni a, CNG man tihsan a nih leh chuan an tan awmzia a awm tawh dawn lo niin an sawi.