Jal Jeevan Mission hnuaiah Meghalaya-in lawmman dawng

Mehgalaya state chuan Jal Jeevan Mission (JJM) hnuaia rural area-a tap water coverage-ah state ti ṭha pahnihna lawmman a dawng.

Pathianni khan New Delhi-a Vigyan Bhawan-ah award hi president Droupadi Murmu-i'n a hlan a, Meghalaya minister-in-charge of Public Health Engineering Department, Renikton Lyngdoh Tongkhar chuan a dawng a ni.

Meghalaya hi state leh UT zingah 'functionality assessment'-ah pahnihna a ni. Tap connection functionality assessment hi Department of Drinking Water and Sanitation leh Union Ministry of Jal Shakti chuan third party, Hindustan Thipson kaltlangin kuminah state leh UT zawng zawnga rural area-ah an nei a ni. An zirchianna behchhan hian state tiṭhate chawimawina hi pek a ni.

Meghalaya PHE department hian JJM hna hi 40% vel an thawk zo tawh a, kum 2024 March thlaah zawhfel hman vek an tum tih Tongkhar chuan a sawi. Scheme kalpuina kawngah hian harsatna hrang hrang an tawh thu sawiin, kumina ruahsur nasain chhiatna a thlente chuan an hnathawh a tibahhlah hle tih a sawi.