Hmarchhaka Tui enkawltu tur committee din

Sorkar laipuiin India hmarchhak-a tui leh lui enkawltu tur commitee sang a din.

He committee din tura ruahmanna hi Prime Minis­ter Narendra Modi-a'n kumin August thla a Guwahati tuilian leh tuilian tuarte ṭanpui dan tur a rawn enfiah ṭuma an siam a ni a, he committee hi NITI Aayog Vice Chair­man Rajiv Kumar-a'n a kaihruai ang.

Thuchhuah in a tarlan danin tui enkawlna lam kaihhnawih, a bikin hyro-electicc power-te, agriculture-te, lui hmanga inkalpawh tawnna te, tuilian vanga lei luangralte, ramngaw enkawlna lamte leh sangha enkawlna lamte thlengin awlsamna a thlen dawn a ni. Ministry of Development of North Eastern Region (DoNER) in a thawhpui tur thu an thuchhuah chuan a tarlang a, committee hi nakkum June-ah an hmalak dan report thehlut tura tih an ni bawk.

Assam, Manipur, Nagaland leh Arunachal Pradesh chief minister ten prime minister hoa tuilian chungchang an ennawn leh naah prime minister chuan state hrang hranga he committee inkaihhruai dan tur hi a puangchhuak tawh nghe nghe a ni.

Brahmaputra leh Barak luipui te hi India hmarchhak lama tuilian siam fo tu leh te an ni a, Brahmaputra phei hi chu khawvela lui lian ber pawl a ni.