Nagaland-ah silai license lem leh silai man

Nagaland-ah silai license lem nei nia rinhlelh man a ni a, silai paruk man tel a ni bawk.

Official-te chuan silai license lem nei 21 an awm ani tih an hmuchhuak a, heng zinga pakua chu an man a ni. Cyber cell crime branch ACP Rajdeep Zala sawi danin document lem hmangin heng license lem te hi an siamtir ṭhin a ni. Mipui zingah hetiang document lem hmang hian license lem siam an tam thu an tarlang bawk.

Crime branch thupuangtute silai licence lem siamnaah hian mi pahnih, Ayub Shikari leh midang pakhat a inhnamhnawih nia hriattir an nih hnuah chhui zui nghalin Ningani khan an man tih an sawi. An kut aṭang hian sila license lem pakua leh silai paruk man anih bakah, license lem hi 21 an awm tih an hrechhuak a ni.

Silai license lem chungchang chhuina aṭangin Ayub hian mi pakhat David tih hmingpu nia hriat hnen aṭangin license hi a nei tih hriat a ni a, license lem nei mai bakah hian license lem siamna ah pawh hian mi tam tak an inhnamhnawih thu an chhuichhuak bawk. Heng thila inhnamhnawih an chhuichhuah zingah hian Salim Pathan, Montu Namdar leh Shreedhar Derasari-te chu kumin January thla aṭang khan Ahmedabad leh Gandhinagar-ah te license lem an pe chhuak ṭhin a, tun thleng hian license lem 21 an pe chhuak tawh ni a hriat a ni.