Nagaland : Carl Rogers Institute of Mental Health hawng

Nagaland khawpui, Kohima-ah Carl Rogers Institute of Mental Health and School Counselling (CRIMHSC) chu Thawhṭanni khan SCERT director hlui, T Sekhose-a'n a hawng.

Sekhose chuan Nagaland hian mipuite zirtirnan turin CRIMHSC chu an mamawh hle tih a sawi. CRIMHSC hian psychotherapy, counselling method leh technique bakah mental health kaihhnawih hrang hrangah zirlai, zirtirtu leh nu leh pate tan training a buatsaih ṭhin dawn a ni.

State minister of higher education and tribal affairs, Temjen Imna Along chuan he institute-in an state mipuite nasa taka a pui theih tur thu a sawi a, khawvel inthlak danglam chak tak karah mi tam takin kaihhruaina leh zirtirna ṭha an mamawh a ni, a ti. He institute hian khawtlangah pawh nghawng ṭha tak a neih ngei a beisei thu sawiin; rilru, taksa leh eizawnna lam thlenga harsatna neiten mithiamte rawn nachang an hriat chhoh a beisei thu a sawi bawk.