APPSC paper leak kaihhnawihah mi 3 man belh leh

Arunachal Pradesh Public Service Commission (APPSC) recruitment examination paper leak kaihhnawihah mi pathum man belh leh an ni a, an zinga pahnih chu sorkar official an ni.

Hemi chungchang chhuitu, state Special Investigation Cell (Vigilance) chuan Thawhṭanni khan thuchhuah siamin, thil dik lo tihnaa inhnamhnawih man belh an nih thu hi a tarlang.

APPSC-in August 26 leh August 27-a Assistant Engineer (Civil) exam a buatsaihah question paper kha a putru a ni. A tirah Itanagar police-ten chhuiin mi paruk an man hman a, September 27 khan he case hi Special Investigation Cell (Vigilance) kutah an hlan a ni.

Vigilance cell-in sorkar official pahnih an mante hi Panchayati Raj department-a junior engineer Binam Jomang (31) leh Siang district-a senior agriculture field assistant Talung Jomang-te an ni. Vigilance cell chuan question leak chungchanga inhnamhnawih, finfiahna an neihte chu sorkarah hriattir nghal zel turin mipuite an ngen. Itanagar police-ten mi paruk an lo man tawh zingah hian commission-a deputy secretary leh deputy controller of examanition Taket Jerang pawh a tel a, coaching institute-a zirtirtu pawh man tel a ni bawk.