Nagaland : Zirtirtu nawrh huaihawtten CM inrawlh turin ngen

An hnaa dah ngheh phuta tiam chin awm loa nawrh huaihawt mek, All Nagaland Ad hoc Teachers Group (ANATG)-2015 batch chuan Thawhṭanni khan chief minister Neiphiu Rio hnenah lehkha thawnin, an thil phut tihhlawhtlin a nih theihna tura inrawlh turin an ngen.

ANATG member 1,166 te hian nimin khan nawrh an huaihawt ni riatna a ni tawh a, Kohima-a Naga Solidary Park-ah nawrh hi huaihawtin, an zinga volunteer 38-te chuan kar liamta Ningani aṭang khan chaw an nghei tawh bawk.

Nawrh huaihawtte hi kum 1994-2012 inkara sorkar school hrang hrangah thawk tura ad-hoc basis-a lakte an ni.