AP-a Indian Air Force helicopter tlaah mi 7 an thi

Indian Air Force Mi-17 V5 transport helicopter chu Aru­nachal Pradesh-ah a tla a, mi pasarih an thi.

IAF helicopter hi Tawang-a Chuna area-ah nimin zing dar 6 vel khan a tla a, a chuang mi pasarih-te hi an thi vek nia tarlan a ni. Thi te hi Indian Air Force mi panga leh, Indian Army mi pahnihte an ni. Helicopter tlakna hi India-China border aṭanga km 12 vela hla a ni a, a tlak chhan tak hi hriat ala ni lo.

IAF official chuan he thil thleng chungchangah hian Court of Inquiry tih a nih tur thu a sawi. Air Chief Marshal BS Dhanoa chuan chetsualna thleng chu vanduaithlak a tih thu sawiin, nunna chan chhungte a tawrhpui takzet tih a sawi.

Mi-17 V5 hi Russia-in military transport helicopter atan bika a duan niin, India-in Indian Air Force hman atana a chawkluh a ni. Mi-17 V5 hi tun hnai khan Gujarat leh Rajasthan-a tuilian tuarte chhawmdawl hna thawhna atan hman a lo ni tawh bawk a ni.