Assam-ah darkar 24 chhungin Nau piang panga an thi

Assam-a Barpeta district-ah darkar 24 chhungin nau piang panga an thi a, midang pathum te pawh dinhmun ṭha lo takah an ding bawk nia tarlan a ni.

Barpeta District-a Fakhruddin Ali Ahmed Medical College-ah hian nau piang panga te hi an thi a, college Chief Superintendent Dilip Kumar Dutta chuan he thil thleng hi hnathawktute inthlahdah vang niin a sawi. Nau piangte hi an rih zawng pawh kg - 1, 2 leh 2.2 vel lek te an nih hlawm avangin an hriselna pawh a pan deuh nia sawi a ni. Hetih rual hian thawktute chu an inthlahdah nia sawi a awm avangin he thil thleng hi chhui chian a ni dawn.

State Health Minister Himanta Biswa Sarma chuan he thil thleng hi pawi a tih thu a sawi a, tun hnuah chuan thleng tawh lo se a duh thu a sawi. Hetih rual hian nau piangte hi sick newborn care unit-ah dah luh an nih thu a sawi a, enkawlna pawh ṭha tak pek an ni, a ti. Naute nu mi pahnihte chu kum 20 hnuai lam an nih thu a sawi bawk. Fakhruddin Ali Ahmed Medical College and Hospital hi kum 2011 khan din a ni a, Assam-a medical college panga zinga pakhat a ni.