UP, AP leh Meghalaya-te'n thawhhona tur MoU an ziak

Uttar Pradesh, Aru­nachal Pradesh leh Me­gha­laya-te chuan hnam leh hnam inkara inlung­rualna ṭha zawk a awm theih nana thawkho tur­in, memorandum of under­standing (MoU) an ziak.

MoU an ziah hmang hian, ‘Ek Bharat, Shrestha Bharat’ programme hnuaiah state pathum te hi an thawk ho dawn a ni. Uttar Pradesh chuan Additional Chief Secretary, Secondary and Higher Education, Sanjay Agarwal chu MoU ziak tur hian a thawhchhuak a, Arunachal aiawhin Tourism Secretary Joram Beda an a hming a ziak a, Meghalaya Education Secretary W R Lyngdoh chuan a hming a ziak ve bawk.

UP Deputy Chief Minister Dinesh Sharma chuan he programme hian state pathum inkarah inlaichinna leh inunauna ṭha a thlen ngei a beisei thu a sawi. India ram chu ṭawng hrang chi tam tak, incheina leh hnam tihdan phung hrang hrang neite awmna hmun a ni mah se, hrui pakhat-a phuarkawm a nih thu a sawi bawk.