Rohingya-te dang turin ramriah venhimna tikhauh

Border Security Force (BSF) te chuan Myanmar atanga Rohingya raltlan te Bangladesh-a an luh avangin, Indo-Bangladesh border-ah venhimna khauh zawkin an kengkawh.

Rohingya Muslim-te'n Bangla­desh an luh chungchang hi sorkar laipui pawhin a ngai pawimawh hle a, an chungchang hi high level committee-ah an lo ngaihtuah tawh a ni. Committe hian Assam leh Meghalaya state-a India-Bangladesh international border pawh vawiin hian tlawh an tum. Border Secutiry Force (BSF) Inspector General, Assam Frontier, Rakesh Agarwala chuan ramri ven hi an uluk thu leh a bik takin tuipui kamte a an vil uluk zual thu a sawi. Helai hmunah hian ṭhenawm ram aṭanga lo luh a awlsam bik niin a sawi bawk.

Rakesh Agarwala hian tuipui kam vel veng tur hian battalion khat an awm thu leh vawiin hian official-te pawhin Dhubri leh Karimganj an tlawh tur thu a sawi.

Hetih rual hian IG chuan Bang­ladesh aṭanga Assam border rawn lut ṭhin hi tun hnai kum hnih chhunga an tlakhniam thu a sawi a, damdawi tawlhruk lam kaihhnawiha lo lut ru ṭhin an man fo thu leh, tunhnaiah hetianga dan loa lut ru ṭhinte hi man tur an tlem tawh thu a sawi bawk. Assam state chhunga Indo-Bangladesh border thui zawng hi km 262 a ni a, heng zinga km 48 hi riverine border hian a awh a ni.

Agarwala sawi dan chuan BSF-te hian Bangladesh aṭanga lo lut ru an awm lohna tur hian venhimna hi an uluk hle a ni. Assam-a Indo-Bangladesh border vengtu te hian electric surveillance hmanga uluk taka an vil reng bakah technology changkang tak thermal imagers-te, Long-Range Reconnaissance-te, Observation system changkang tak te leh Battle Field Surveillance radar-te an hmang a ni.