Manipur-ah bomb a puak

Manipur khawpui, Imphal-ah Pathianni zan khan bomb a puak a, thi leh hliam an awm hriat a ni lo.

Bomb hi Imphal-a Naga Mapal-ah a puak a, police te chuan chhiatna lian tham a thlen lo niin an sawi. He thil thleng hi eng pawl mahin an tih a nih thu an la sawi lo bawk. Police te chuan he thil thleng hi chhui zui mah se man an la nei lo. Bomb puah lai hian Naga Mapal aṭanga hla vak loah hian state sorkar chuan "Imphal Evening" a buatsaih a, hemi chawhbuai tumna a nih theih thu tarlan a ni. Chief Minister N. Biren Singh chuan dan leh thupek kenkawh kawngah khauh zawka hma lak a nih tur thu a sawi. CM chuan venhimna khauh zawka kenkawh a nih chuan kartawpah mipui te tan pawh chhuahna hun ṭha a awm dawn tih sawiin, sumdawnna hmun pawh zan lama hawn a nih thuai tur thu a sawi bawk a ni.