Tripura-ah EVM leh VVPAT thawn

Tripura-in nakkum kumtir lama assembly inthlan a neih tur atan vote thlakna tur hmanruate chu Hyderabad aṭangin thawn thlen a ni tih election official chuan a sawi.

Tun kar tir lam khan Electronic Voting Machine (EVM) leh Voter verifiable paper audit trail (VVPAT) 4,900 a thleng tawh a, hengte hi recognised political party hrang hrang aiawhte hriatpuinain Tripura West district-a warehouse-ah dahṭhat an ni.

Additional chief election officer Use Jen Mog chuan EVM leh VVPAT-te chu puja holiday zawhah district pasarihah thawnchhuah an ni dawn tih a sawi. A rawn thleng tharte nen hian an state chuan EVM leh VVPAT 5,900 an kawl mek a, hengte hi polling station 3,324-a hmang turin a tawk niin a sawi. Polling booth zawng zawngah EVM leh VVPAT hman a ni dawn tih a sawi bawk.

November 8 hian ECI aṭanga expert tirhten EVM leh VVPAT hman dan chungchangah poll official-te training an neihpui ang.