Nitish Kumar-a'n Nagaland a tlawh dawn

Bihar chief minister leh Janata Dal United hruaitu Nitish Kumar chuan October 11 hian All Nagaland Bihari Conference hmang turin Nagaland-ah a zin dawn.

All Nagaland Bihari Conference hi Dimapur district sports complex auditorium-ah neih a ni dawn a, Bihari Samaj, Bhojpuri Samaj, Bihari Kalyan Samiti, Maitree Foundation, Nagaland leh JD(U) Nagaland-ten Loknakyak Jayaprakash Narayan piancham 120-na lawmna pualin an huaihawt dawn a ni. Nayaran hian kum 1960 chho khan hmarchhak biala remna leh muanna a awm theihna tura sorkar laipui hmalakna, Peace Mission hnuaiah Nagaland hi a lo tlawh tawh a ni.

JD(U) president Rajiv Ranjan Singh chuan Bihar Chief Minister-in Nagaland a tlawh tur hi politics lam kaihhnawih thil a ni lo a, political party aiawhte pawh a hmu dawn lo tih a sawi.