Nagaland : Ad-hoc teacher nawrh huaihawt zinga 3 damdawi-inah dah

Nagaland-a Ad-hoc teacher zinga tiamchin awma chaw ngheia nawrh huaihawt mek zinga pathum chu Thawhlehni khan damdawi-inah dah luh an ni a, an zinga pakhat chu a dinhmun a ṭha lo hle.

Ad-hoc teacher-te hian an hnaa dah ngheh phutin tiam chin awm loin nawrh an huaihawt a, an zinga volunteer 38-te chuan kar liam ta Ningani aṭang khan chaw an nghei a ni.

Chaw nghei zinga pathum hi an hriselna dinhmun a tlakhniam avangin Thawhlehni khan Naga Hospital Authority, Kohima-ah dah a ni a, pahnihte chu ngaihtuahawm lutuk an ni lo a, pakhat erawh chu a ṭha lo hle tih an sawi.