Assam Governor thar lalut

Assam Governor thar Jagdish Mukhi chu Thawhlehni khan Guwa­hati-a Srimanta Sankardeva International Convention Centre-ah rinawmna thu tiam tira lakluh a ni.

Governor thar lawmluh inkhawmah hian Assam Chief Minister Sarbananda Sonowal leh a cabinet minister-te bakah, sorkar mi pawimawh te an tel a, Gauhati High Court chief justice Ajit Singh chuan rinawmna thu a tiamtir hnuah a lalut a ni. Mukhi hi Assam Governor a nih hma hian Andaman and Nicobar Island-ah Lieutenant Governor a ni ṭhin a, tunah hian Banwarilal Purohit chu thlakin, Purohit hi Tamil Nadu-ah Governor a ni ve thung a ni.

Mukhi hi Delhi-ah mi­nister te pawh lo ni tawh ṭhin a ni a, khatih laia Planning Minister Pranab Mukherjee khan Best Finance and Planning Minister Award alo hlan tawh nghe nghe a ni.