Amit Shah leh JP Nadda-te'n Assam tlawh

Union home minister Amit Shah leh BJP national president JP Nadda-te chu ni hnih cham turin nimin khan Assam-ah an zin.

Vawiin hian Guwahati-a Baistha area-a Assam state BJP office sak thar chu an hawng dawn a, hei hi hmarchhak biala party office lian ber a ni dawn tih Assam state BJP president Bhabesh Kalita chuan a sawi. Office building hi square feet 95,000-a zau niin, chhawng ruk a ni. Kum 2019 February thla khan hetih laia BJP president Amit Shah chuan a sakna tur lungphum hi a phum a ni.

Nadda leh Shah-te hian Guwahati-a Veterinary College playground-a party workers' meeting neih tur pawh an telpui nghal dawn a ni. Meeting-ah hian party worker 35,000 - 40,000 vel an tel an beisei thu Kalita chuan a sawi bawk.