Gas zawn hautak berna leh hmuh theihna chance sang ber Tripura

Oil and Natural Gas Corporation (ONGC) chuan Tripura chu oil zawnna atana hautak ber ni mah se, oil zawn hmuh theihna chance nei sang ber a nih thu an tarlang. ONGC hian Tripura-ah hian khur 225 an lai tawh a, heng zinga 116-ah hian gas a awm tih an hmuchhuak tawh a ni.

ONGC Executive Director Gau­tam Kumar Singha Roy chuan gas pressure a san leh leihnuaia leilung awmdan danglam tak avangin Tripura-ah hian gas zawn hi a harsat thu a sawi a, mahse zawn hmuh theihna ratio hi 1:2 a nih thu leh, khawvel hmundanga zawnchhuah theihna ratio chu 1:5 a nih thu a sawi.

Roy chuan sorkar laipui aṭanga forest clearance an hmuh veleh Tichna area-ah gas zawn hna hi an ṭan tur thu a sawi a, an company chuan Tripura-a gas laichhuah nan hian ni khatah nuai 16 an sen a ngaih thu a sawi bawk.

ONCG hi gas lakchhuah an tumna hmunah hian Maharatna company-te chuan kum 12 kalta chhung khan gas lakchhuah an lo tum tawh a, mahse he area hi Tichna (Trishna) Bison National Park and Wildlife Sanctuary hnuaia awm a nih avangin environmental clearance an nei thei lo a, hei vang hian gas zawn hna hi an ṭan lawk thei lo a ni.

ONCG -te hian 1962 aṭang tawh khan Tripura-ah hian gas zawnna 41 billion cubic metre (BCM)-a zau hmun 11 an nei tawh a ni.