NFLT-te'n Black Day an hmang

National Liberation Front of Tripura (NFLT) chuan Pathianni khan Tripura sorkar leh India-te'n inthlunzawmna an neih duhlohna lantir nan leh, tribal ten an 'historical rights' an neih let leh theih nan 'Black day'-ah an puang.

NLFT chuan thuchhuah siamin, tribal-te chu October 15 chu ramdang awpbeh duhlohna lantir nana black day hmang turin an ti a, ṭhalai ram hruaitu la ni mai tur te chu pen chhuak turin an sawm bawk.

An thuchhuah chuan October 14, 1949 khan India-in lal thuneihna a chhuhsak thu leh, kum 517 teh meuh lal 184-in an lo enkawl tawh chu India hian Kanchan Prabha Devi, khatih hunlaia Maharani leh India Governor General-te'n an thuthlung sign vanga a thuneihna a chhuhsak thu an tarlang a ni.

NFLT-te hi kum 28 kalta chhung khan tribal-te'n an historical rights an neihlet leh theih nana beihna kawnga hmahruaitu ber an nih bakah, Bangladesh aṭanga a ruka lo lutte do letna kawngah pawh hmahruaitu ber an ni bawk. NFLT hian Congress hruaitute leh Left Party te chu Tripura leh Indian Union inthlunzawmna kawnga hma latua puhin an sawisel nasa hle a ni.

Police officer pakhat chuan NFLT te hian nakkum February thla a Assembly election awm hma ngeia tharum thawhna hmanga buaina siam an tum niin a sawi.