Manipur World Cup player-te ropui takin hmuak

Manipur player 7, Under 17-FIFA World Cup team a tel te chuan kar kalta Inrinni khan Imphal an thleng a, Manipur mipuiten ropui takin an lo hmuak.

Player-te hi Imphal airport-ah hmuah an ni a, football ngainatute bakah mipui ṭhahnem tak an pungkhwm a ni. Airport aṭanga player lo chhuakte hi kutbengin an lo lawm a, parṭhi awrhtir an ni. India team captain Amarjit Kiyam chuan anmahni lo hmuaktute hmaah lawmthu sawiin, an thlawpna avangin player-te chuan phurna tam tak an neih thu a sawi a, state chhunga world class stadium neih a ṭul thu a sawi bawk.

India mi FIFA World Cup a goal khung hmasa bertu, midfielder Jaekson Thounaojom chuan mipuite lawm a hlawh leh zual hle a ni. US coach pawhin a fak em em, goal Keeper Dheeraj Moirangthem erawh New Delhi lamah a la cham rih a ni.

Manipur sorkar chuan world Cup player-te hi chawimawina a nei a ni.