Dalai Lama-a'n Manipur a tlawh dawn

Tibetan sakhaw puithiam Dalai Lama chuan October 18 hian Manipur a tlawh dawn a, global peace conference a hmanpui ang.

Manipur sorkar chuan naktuk hian Imphal khawpuiah global peace conference programme hi a buatsaih dawn a, he hunah hian thu a sawi dawn a ni. Programme hi City Convention Centre-ah hman a ni dawn a, hemi hnu hian Dalai Lama hian press conference a nei nghal ang. He hunah hian state assembly speaker Yumnam Khemchand bakah, sorkar mi pawimawh eng emaw zat tel tura beisei an ni.

Dalai Lama hian vawiin hian Manipur a pan dawn a, peace conference hmang tur hian ram hrang hrang aṭangin kohhran hruaitu eng emaw zat an tel dawn bawk a ni. State assembly speaker Yumnam Khemchand chuan Dalai Lama-a'n an state a tlawh theih nana an dilna pawh sorkar laipuiin a pawmpui tawh thu a sawi. A rual hian Myanmar leh Southeast Asia aṭangin Buddhist monk eng emaw zat an fuankhawm beisei a nih thu a sawi bawk.

Dalai Lama hian Assam leh Arunachal Pradesh a lo tlawh tawh bawk a, hei hi China chuan a helh hle a ni.