IIM-Shillong-in Kalam hriatrengna hun hmang

Indian Institute of Management (IIM) Shillong zir­laite leh thawktute chuan, President hlui A.P.J Abdul Kalam-a kum 87-na pualin amah hriatrengna hun Pathianni khan an hmang.

Abdul Kalam hian July 27, 2015 khan IIM-Shillong-ah hian lecture a pe a, hetih lai hian chau thutin a hnu lawkah Bethany hospital-ah a boral zui a ni. He zirna ina guest lecturer a kal, Kalam hi he hmuna thawkte leh zirlaite hian an ngaihhlu hle a, Pathianni pawh khan ama pualin ‘Shradhanjali’ programme siamin mipui te pawh he huna telpui tur leh amah hriatrengna hun hmanpui tur hian an sawm a, mi ṭhahnem takin an telpui a ni.

Zirlaite leh thawktute hian armed forces hnenah postcard, ram tana an thawhna avanga lawmthu sawina ziakin an thawn bawk a ni. Heng postcard-te hi Sillong Assam Rifles te hnenah pek a ni.