Manipur leh AP CM-ten Project New tlangzarh

Manipur chief minister N Biren Singh leh Arunachal Pradesh chief minister Pema Khandu-te chuan hmarchhak biala entrepreneur-te puihna tur, Project NEW (NER Entrepreneurs’ World) chu City Convention Centre, Imphal-ah an tlangzarh.

He project hi voluntary basis-a digital platform hmanga hmarchhak state pariata entrepreneur-te puihna tur project siam hmasak ber niin, NABFOUNDATION in a siam a ni. He project hian project YouthNet, TiLi, SeSTA leh EastMojo-te an thawhpui bawk ang.

Project NEW hnuaiah website siamin, Playstore aṭanga download theih tur mobile application, 'The NEW' siam a ni bawk. Northeast region (NER) ṭhalaite chuan website leh app kaltlangin registration form an thehlut thei a, online form-ah skilling, credit linkage leh networking kaihhnawiha an thil tum leh mamawhte an tarlang ang.

NABFOUNDATION CEO Sanjeev Rohilla chuan hmarchhaka entrepreneur lama an harsatna sutkianna chu a bial chhung aṭang ngeiin an ngaihtuah tur a ni tiin, he project hi NABCONS, NABFINS, NABSAMRUDDHI leh Dalmia Bharat Foundation-ten sum lamah an pui dawn a ni.

Hmarchhak biala musician lar - Alobo Naga (Nagaland), G'nie (Mizoram), K4-Kekho (AP), INGLISH MAKER (Assam), Borkung Hrangkhawl BK (Tripura), Mangka (Manipur) leh UNB (Sikkim)-te chu Project NEW ambassador an ni ang.