Assam-ah sai sualin chenna-in tichhia

Assam-a Gibbon Wildlife Sanctuary ami sai eng emaw zat chu mihring chenna area-ah lutin, chenna in eng emaw zat an tichhia. Heng an in tihchhiatte hi thingpui huan neitute in a ni tlangpui tih, Forest lam thuchhuah chuan a tarlang.

Divisional Forest Officer Sapan Saikia chuan sai rual hian Saikota, Katonbari leh Ranjangaon khuaah chenna in 14 aia tam nihnih liamta chhung khan an tichhiat thu a sawi a ni. Saika chuan thinpui kung tam tak an tichhiat tel thu leh, Mariani ramhnuaia sai awm zat hi an pun nasat thu a sawi a, hei vang hian ramsa te hi mihring awmna area a lut an nih thu a sawi bawk.

Thingpui huana hnathawk pahnih chu tunhnai lawk khan saiin an lo tibuai tawh bawk a ni. Gibbon Wildlife Sanctuary hi sq.km 27.8-a zau a ni a, sai 50 chuang chengin ramsa dang hmun danga vang tak tak Hoolock Gibbon leh Bengal Slow Loris te pawh an cheng a, thingpui huanin hual in a chheh velah hian thingtlang khua tlem a awm bawk a ni.