Nagaland : Padma Shri Temsula Ao a thi

Naga poet, author, ethnographer leh professor, Sahitya Akademi Award leh Padma Shri pawh lo dawng tawh, Dr Temsula Ao chu kum 76 mi niin Pathianni khan Dimapur-a Eden Medical Centre-ah a thi.

Temsula Aoa hian kum 1975, December thla khan North-Eastern Hill University (NEHU), Shillong-a department of English-ah lecturer-in a lut a, kum 2010-ah professor-in a chawl a ni.

Kum 2007 khan literature and education-a Padma Shri award hlan a ni a, kum 2013-ah a thawnthu tawi ziahkhawm, 'Laburnum for May Head' hmangin Sahitya Akademi Award a lo dawng tawh bawk.

Prime minister Narendra Modi chuan a twitter-ah a thuziak hmanga Naga culture chawilartu, Dr Temsula Ao a ui thu hi ziakin, education leh culture lama a hnathawhte chu hriatreng tlak a ni, a ti.