Sikkim Milk Union hnenah Award hlan

Union cooperative minister Amit Shah chuan Sikkim Milk Union chu India khawchhak leh hmarchhak state 12 zingah Indian Army hnena bawnghnute supply-tu lian ber an nih avangin, National Cooperative Dairy Federation of India Limited (NCDFI) award a hlan.

Gangtok-a Cooperative Dairy Conclave, 2022 hmannaah award hi hlan a ni. Assam Milk Union (West) chu pahnihna niin, Mother Dairy (Kolkata) chu pathumna an ni.

Amit Shah chuan Sikkim chu a lawmpui thu sawiin, "Kum 15 liam taah khan Sikkim-ah cooperative conclave a awm ang tih kan ngaihtuah phah lo. Vawiinah chuan Sikkim chuan ni khatah bawnghnute litre nuai 2 an thar chhuak tawh a ni. State tan inchhuanna tham a ni a, state sum lakluh pawh nasa takin a tipung a ni," a ti.

India rama bawnghnute tharchhuah aṭangin hmarchhak bial chuan 12% vel an thawh ve a, hei hi kum nga chhungin 20% ah tihpun hman tum a ni, tiin Amit Shah chuan a sawi.