Karimganj-ah heroin Rs vbc 45 man hu an man

Assam police leh Border Security Force (BSF) joint team chuan nimin khan Karimganj-ah truck pakhat aṭangin ruihhlo, heroin cheng vaibelchhe 45 man hu an man.

Police-te chuan heroin phurtu truck hi zing karah New Karimganj Railway Station bul, National Highway 37-ah an man a, Mizoram aṭanga Tripura pan tum niin an sawi.

BSF leh Karimganj police-te hian thu an dawn bawhzuiin truck hi an lo dap a, driver cabin-a secret chamber-a sahbawn bawm 764-a ruihhlo thuhruk hi an man ta a ni. Heroin an man hi a vaiin kg 9.47 a ni. Driver hi thu zawhfiah turin man tel a ni bawk.

Thawhṭanni khan Assam police-te chuan Cachar district-ah sahbawn bawm panga-a thukruk heroin an lo man tawh bawk a, a neitu an man tel bawk. An ruihhlo man hi gram 278.60 a ni tih police-te chuan an sawi.