AP-ah hri kai pung chak

Arunachal Pradesh-ah hri kai an pung chak hle a, Inrinni kha hri kai hmuh chhuah thar mi 65-te nen, an state-a Covid-19 kai hmuh tawh hi mi 1,056 an awm tawh a ni. Inrinni liam taa hri kai hmuh chhuah zingah hian security force mi leh sa 33 an tel. AP-ah hian July chhung hian hri kai hmuh chhuah belh hi mi 865 an awm tawh. Itanagar, Naharlagun, Nirjuli and Banderdewa area huam chhung, Capital Complex-ah  hri kai hi tam berin mi 374 an awm a, Papum Pare-ah 57, Namsai-ah 42, East Siang-ah 39 leh Changlang district-ah mi 20 an awm.