Nagaland-in kawngpui ṭha a nei ngei tur a ni : NMA

Nagaland-a hmei­chhe pawl lian ber Naga Mo­thers Associa­tion (NMA) chuan Thawh­lehni khan thuchhuah an siam a, state chhunga inkalpawhna awlsam tak a awm theih nan kawngpui ṭha tak leh rintlak tak neih ngei an ngiat thu an tarlang.

State chhunga kawng chhiat zia sawiin NMA president Abei-u Meru chuan," Nu leh hmeichhia ka nihna angin, kawng chhia hian hriselna lamah pawh harsatna tam tak min thlen a, hmun kilkhawr zawkah phei chuan mi tam takin nunna an chan phah a ni", a ti. NMA President chuan state sorkarin inkalpawhna kawngpui chungchanga ṭhutkhawmna a buatsaihah thu sawiin, inkalpawhna atana pawimawh lei a chhiat thu leh, hmun tam takah mipuite hman tur lei siam a nih loh thu a sawi a ni.

Meru chuan depart­ment leh contractor ten hlawkna ringawt an zawng chu sim a hun tawh thu sawiin, kawng ṭha leh rintlak neih a hun tawh thu a sawi a ni. Record-a a lan danin Nagaland-a kawngpui sei zawng belhkhawm hi km.13,626.48 a ni a, heng zinga km. 12,079.80 hi PWD siam a ni a, km. 1546.68 hi national highway a ni.