Assam-in Global Investors Summit thleng dawn

Kum 2018 February thla khian Global Investors Summit neih a ni dawn a, Assam-ah nghah a ni ang. He Summit hi Guwahati-ah neih a ni ang a, Prime Minister Narendra Modi-a'n a hmanpui dawn a ni.

Commerce and Indus­try Minister Chandra Mohan Patowary chuan sorkar laipuiin he hun hi Assam-in sumdawnna lama theihna a ngahzia lantirna tur a nih thu a sawi. "Guawhati-ah nakkum February 3-4 khian Global Investors' Summit neih a ni dawn a, Prime Minsiter chuan a hawng dawn a ni", tiin cabinet meeting an neih zawha Press Conference-ah a sawi.

Patowary hian cabinet meeting-in micro, small and medium enterprise (MSME)-te sumdawnna ennawna tichangtlungtu tur, Preferential Purchase Policy chu tidanglam tura an pawm thu a sawi bawk. Policy tharah chuan sorkar leh semi-government office te chu an local MSME te aṭanga 25% tal thil lei ṭhin ngei ngei tawh tura hriattir an nih tur thu a sawi bawk a ni.

Cabinet meeting hian sq.km 160 a zau Industrial zone siam turin thu an ti tlu a, sugar industry hmasawnna tur policy pawh cabinet hian a pawm bawk an ni.