AP-ah kum 3 chhungin tualthah-na ṭum 161 a thleng : Pema Khandu

Arunachal Pardesh Chief Minister Pema Khandu chuan kum thum kalta chhung khan an state-ah tualthah thubuai 161 ziahluh a nih thu sawiin, heng zinga thubuai 26-te chu state capital, Itanagar-a thleng a ni, a ti.

Chief Minister hlui Nabam Tuki zawhna chhangin Khandu chuan, Itanagar-a case 26 report zingah hian 18 chu chhuichhuah a nih thu a sawi. CM chuan police-te hmalakna tarlangin, state chhunga muanna a awm theih nan hma nasa taka an lak thu leh pawikhawihna thleng te an chhuichian piah lamah, foot patrolling, vehicle patrolling leh mega patrolling te regular taka an neih thu a sawi bawk a ni.