AP sorkarin war memorial siam dawn

Arunachal Pradesh sorkar chuan India ramin zalenna a sualna kawnga tha thawhtu, hriat hlawh zui lo, unsung hero-te pualin war memorial siam a tum a, state khawpui Itanagar-ah war museum siam a tum bawk.

Deputy chief minister Chowna Mein chuan, unsung hero-te hi nakkuma Arunachal Pradesh Statehood Day-ah chawimawina thuziak hlan an ni dawn tih a sawi. An state chuan heng pasalṭhate hian an phu ang chawimawina a pek a ngai a ni, a ti.

AP sorkar hian kum 2021 khan Unsung Heroes Core Committee a din a, Rajiv Gandhi University-a Reaserch Team nen thawk dunin, India ram zalenna sualna kawnga tha thawhtu an state mi, hriat hlawh zui lote chanchin dapchhuah leh zirchian hna an thawk a ni.

Committee hian unsung hero 15-te an zawng chhuak tawh a, state chhunga hnam hrang hrang aṭangin freedom fighter 100 leh martar 64 an zawng chhuak tawh bawk a, heng mite hi sorkar laipui pawhin a pawmpui tawh bawk. December 20 hian committee hian review meeting an nei leh ang.