Manipur : PMGSY fund tichingpentu official suspend

Manipur sorkar chuan Pradhan Mantri Gram Sadak Yojana (PMGSY) hnuaia Noney district-a Rengpang-Mongjarong Khullen inkar kawng siamna tur fund tichingpentu, sorkar official pakhat chu Thawhlehni khan a suspend.

Opposition Manipur Pradesh Congress Committee (MPCC) president Keisham Meghachandra Singh chuan PMGSY Phase 1 leh II hnuaia hill district paliaa kawng siamna tur sum, Rs vbc 1,700 pek chhuah chu dik lo taka hman a ni tih a sawi. Hemi hnu hian rural development and Panchayati Raj (RDPR) minister Yumnam Khemchand chuan Rengpang-Mongjarong Khullen (15 km) kawng siam hna thawh kaihhnawihnah official pakhat suspend a nih thu a tarlang ve nghal bawk. Dik lo taka thilti chu dan angin an chungthu relsak zel an ni ang, a ti.