Rohingya-te dang turin BSF-te an inralring

Tripura BSF-te chuan Tripura-a Indo-Bangla International border km. 856 laia sei chu uluk taka an ven thu leh, Rohingya-te ramchhungah a huhoin lut huk dawn pawh nise an inrin reng thu an tarlang.

BSF IG (Tripura Frontier), S R Ohja chuan hun kal tawhah heng group tho hian an lo tih tawh anga a huho ramri an kan ang kha thleng leh thei a nih reng avangin he area a ramri vengtute chu inring reng tura an inhriattir thu a sawi.

Myanmar Rakhine province-a tunhnaia buaina a chhuah hnu khan Rohinga pakhat pawhin Tripura an la luh loh thu a sawi bawk.

IG chuan Tripura Fron­tier BSF te chuan ramri vennaa an ṭhian boral­te hriatreng nan Octo­ber 22 hian mara-thon an buatsaih dawn thu a sawi a, he huna tel tur hian Tripura mipuite chu a sawm nghal bawk a ni.