Assam, Meghalaya leh Nagaland-te rel hmangin inkalpawh dawn

Northeast Frontier Railway chuan hmarchhak state hrang hrangte rel hmanga inkalpawhna tihchangtlun chhoh zelna tura a hmalakna pakhatah, Guwahati-Lumding-Guwahati Express chu a tlan chin tihbelhin, Nagaland-a Shokhuvi leh Meghalaya-a Mendipathar thleng a tlantir tawh dawn.

Special train an tlan tir tur hi vawiin hian president Droupadi Murmu chuan Guwahati aṭangin a vai liam dawn a ni. He service thar hian hmarchhak state pathum - Assam, Meghalaya leh Nagaland-te a thlunzawm tawh dawn a ni.

Mendipathar–Guwahati Passenger Special hi Mendipathar aṭangin kartin Thawhlehni leh Ningani chhun dar 12:30-ah tlan chhuakin, tlai dar 4:40-ah Guwahati a thleng ang. Heng niah vek hian Guwahati aṭangin tlai dar 5:-ah tlanchhuakin, Shokhuvi hi zan dar 11:55-ah a thleng ṭhin dawn a, Nilaini leh Zirtawpni zing dar 5:30 ah Shokhuvi aṭanga tlanchhukain chawhma dar 11:10-ah Guwahati a thleng ṭhin dawn a ni. Guwahati aṭang hian Nilaini leh Thawhṭanni chhun dar 12:45-ah Mendipathar panin a chhuak leh ang.