Manipur : Zirtirtu zinga private tuition pe chungah action lak tum

Manipur sorkar chuan sorkar school-a zirtirtu, private tuition pe hriatchhuah an awm chuan an lakah disciplinary action lak a ni dawn tih a sawi.

Commissioner of Education (School), H Gyan Prakash chuan hemi chungchagna hriattirna hi a tichhuak a ni. "Sorkar chuan Department of Education (Schools) hnuaia zirtirtu hna thawk, private tuition pe leh, coaching centre-a thawk an awm tih a hria a ni," tiin, hei hi rem an ti lo tih a tarlang.